തിരുവനന്തപുരം : തിരുവനന്തപുരം മേയർ ആര്യാ രാജേന്ദ്രനും കെഎസ്ആർടിസി ഡ്രൈവറും തമ്മിൽ നടുറോഡിൽ ഉണ്ടായ തർക്കവുമായി ബന്ധപ്പെട്ട കേസിൽ പോലീസിന്റെ നിർണായക നീക്കം. കണ്ടക്ടര് സുബിനെ ചോദ്യം ചെയ്യുകയാണ് പോലീസ്. മെമ്മറി കാര്ഡ് കാണാതായതിലാണ് ചോദ്യം ചെയ്യല്. ബസിലെ നിര്ണായക സിസിടിവി ദൃശ്യങ്ങളാണ് കാര്ഡിലുണ്ടായിരുന്നത്. തമ്പാനൂര് പൊലീസാണ് സുബിനെ ചോദ്യം ചെയ്യുന്നത്.
ഭര്ത്താവും എം.എല്.എയുമായ സച്ചിന് ദേവിനും ബന്ധുക്കള്ക്കുമൊപ്പം സ്വകാര്യകാറില് സഞ്ചരിക്കുമ്പോള് ഡ്രൈവര് അശ്ലീല ആംഗ്യം കാണിച്ചെന്ന് ആരോപിച്ച് ആണ് മേയര് ബസ് തടഞ്ഞത്. എന്നാല് എം.എല്.എ തെറിവിളിച്ചെന്നും മേയര് മോശമായി െപരുമാറിയെന്നും ആണ് ഡ്രൈവര് യദുവിന്റഎ പരാതി.
മേയറും ഭര്ത്താവ് സച്ചിന് ദേവ് എം.എല്.എയും മേയറുടെ സഹോദരനും ഭാര്യയും സ്വകാര്യകാറില് സഞ്ചരിക്കുകയായിരുന്നു. പട്ടത്ത് വച്ച് കെ.എസ്.ആര്.ടി.സി ബസ് ഇവരുടെ കാറിനെ മറികടന്നു. പിന്നീട് കാര് ബസിനെ മറികടക്കാന് ശ്രമിച്ചപ്പോള് കയറ്റിവിട്ടില്ല. പിന്തുടര്ന്നെത്തിയ മേയറും സംഘവും പാളയത്ത് വച്ച് ബസ് തടഞ്ഞ് നിര്ത്തി. ആദ്യം സച്ചിന്ദേവും പിന്നാലെ ആര്യയും ഇറങ്ങിച്ചെന്ന് ഡ്രൈവറുമായി തര്ക്കത്തിലായി.അപകടകരമായ രീതിയില് ബസ് ഓടിക്കുന്നത് കണ്ട് നോക്കിയപ്പോള് ഡ്രൈവര് അശ്ലീല ആംഗ്യം കാട്ടിയെന്നാണ് മേയറുടെ പരാതി. പൊലീസെത്തി ഡ്രൈവര് യദുവിനെ കസ്റ്റഡിയിലെടുത്തു. ട്രിപ്പ് മുടങ്ങി. യാത്രക്കാര് പെരുവഴിയിലാവുകയുമായിരുന്നു.
