തിരുവനന്തപുരം മെഡിക്കല് കോളജില് തീപിടിത്തം. മള്ട്ടി സ്പെഷ്യാലിറ്റി ബ്ലോക്കിലാണ് തീപിടിത്തമുണ്ടായത്. രോഗികളെ കെട്ടിടത്തില് നിന്ന് മാറ്റി. തീയണയ്ക്കാനുള്ള ശ്രമം തുടരുന്നു. മള്ട്ടി സ്പെഷ്യാലിറ്റി ബ്ലോക്കിലെ ഒന്നാം നിലയിലാണ് തീപിടിച്ചത്.
ആശങ്കപെടേണ്ട സാഹചര്യം ഇല്ലെന്ന് ഡോക്ടര് വ്യക്തമാക്കി. വെന്റിലേറ്റര് യൂണിറ്റില് നിന്നാണ് തീ പിടിച്ചത്. തീ പടരാതിരിക്കാന് ഓക്സിജന് ഓഫ് ചെയ്തു. രോഗികളെ വെന്റിലേറ്ററോട് കൂടി മാറ്റി. ആര്ക്കും അപത്തില്ലെന്ന് ആശുപത്രി അധികൃതര് അറിയിച്ചു. പരിഭ്രാന്തരാകേണ്ട സാഹചര്യമില്ലെന്ന് ആശുപത്രി അധികൃതര് ആവര്ത്തിച്ചു. മുഴുവന് രോഗികളെയും മാറ്റിയെന്നും കേടുപാടുകള് വന്ന ചില ഉപകരണങ്ങള് മാത്രമേ മാറ്റാനുള്ളുവെന്നും അധികൃതര് പറഞ്ഞു.
