സംസ്ഥാനത്ത് സ്വര്ണവില സര്വകാല റെക്കോര്ഡില്. ഒരു പവന് സ്വര്ണത്തിന്റെ വില 240 രൂപയാണ് ഇന്ന് വര്ധിച്ചിരിക്കുന്നത്. ഇതോടെ ഒരു പവന് സ്വര്ണത്തിന്റെ വില ഒരു ലക്ഷത്തിന് തൊട്ടടുത്തെത്തി. പവന് 98,880 രൂപയാണ് ഇന്നത്തെ വില്പ്പന വില. ഒരു ഗ്രാം സ്വര്ണത്തിന് 30 രൂപയാണ് ഇന്ന് വര്ധിച്ചിരിക്കുന്നത്. ഇതോടെ ഗ്രാമിന് സംസ്ഥാനത്തെ വില്പ്പന വില 12360 രൂപയായി.ആഗോള ഭൗമ രാഷ്ട്രീയ പ്രതിസന്ധികള്ക്കിടയില് സ്വര്ണം സുരക്ഷിത നിക്ഷേപമായി തുടരുന്നതാണ് സ്വര്ണവിലക്കുതിപ്പിന് കാരണമായത്. പവന് രാജ്യാന്തര വിപണിയില് സ്വര്ണം ഔണ്സിന് 4,330 ഡോളറായി ഉയര്ന്നിരുന്നു. ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
അതേസമയം രൂപ റെക്കോഡ് തകര്ച്ചയിലാണ്്. ഡോളറിനെതിരെ 90 രൂപ 90 പൈസയില് എത്തി. പ്രഭാത വ്യാപാരത്തില് നാല് പൈസ കുറഞ്ഞു. ഡോളറിനെതിരെ രൂപയുടെ മൂല്യം റെക്കോര്ഡ് താഴ്ചയിലേക്ക് കൂപ്പുകുത്തിയതിന് ഒപ്പം യുഎസ് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറച്ചതും സ്വര്ണവിലയെ സ്വാധീനിക്കുന്നുണ്ട്.
