സംസ്ഥാനത്ത് സ്വര്ണവിലയില് ഇന്ന് വീണ്ടും വര്ധന. ഒരു പവന് സ്വര്ണത്തിന് 640 രൂപയാണ് കൂടിയിരിക്കുന്നത്. ഒരു ഗ്രാം സ്വര്ണത്തിന്റെ വില 80 രൂപയും വര്ധിച്ചു. ഇതോടെ സംസ്ഥാനത്ത് ഒരു ഗ്രാം സ്വര്ണത്തിന്റെ വില 11725 രൂപയായി. പവന് 93800 എന്ന നിരക്കിലാണ് ഇന്നത്തെ സ്വര്ണ വ്യാപാരം പുരോഗമിക്കുന്നത്. സംസ്ഥാനത്ത് ഇന്ന് ഒരു ഗ്രാം വെള്ളിക്ക് 167 രൂപയുമാണ് വില്പ്പന വില.കഴിഞ്ഞ കുറച്ച് നാളുകളായി സ്വര്ണവിലയില് രേഖപ്പെടുത്തുന്നത് വലിയ ചാഞ്ചാട്ടങ്ങളാണ്. അന്താരാഷ്ട്ര സാഹചര്യങ്ങള് തന്നെയാണ് സ്വര്ണവിലയില് വലിയ ചാഞ്ചാട്ടങ്ങളുണ്ടാക്കുന്നത്. നിലവില് അന്താരാഷ്ട്ര വിപണിയില് സ്വര്ണം ഔണ്സിന് 4160 ഡോളര് എന്നനിലയിലാണ് വ്യാപാരം നടക്കുന്നത്.
ഈ മാസത്തിന്റെ തുടക്കത്തില് 90,200 രൂപയായിരുന്നു ഒരു പവന് സ്വര്ണത്തിന്റെ വില. അഞ്ചിന് 89,080 രൂപയായി താഴ്ന്നിരുന്നു. ഇതാണ് ഈ മാസത്തെ ഏറ്റവും താഴ്ന്ന സ്വര്ണവില. പിന്നീട് പടിപടിയായി വില ഉയര്ന്ന് 13ന് 94,000ന് മുകളില് എത്തുകയായിരുന്നു. 13ന് രേഖപ്പെടുത്തിയ 94,320 രൂപയാണ് ഈ മാസത്തെ ഏറ്റവും ഉയര്ന്ന നിലവാരം.
കഴിഞ്ഞ കുറച്ചു ദിവസങ്ങളായി സ്വര്ണത്തിന്റെ വില കൂടിയും കുറഞ്ഞുമാണ്. ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
