ആലപ്പുഴ: ചെങ്ങന്നൂരിൽ സ്കൂള് ബസിന് തീപിടിച്ചു. വിദ്യാര്ത്ഥികളുമായി പോയ ബസിനാണ് തീപിടിച്ചത്. ആല ഗവ. ഹയര്സെക്കന്ഡറി സ്കൂളിന് സമീപം വെച്ചായിരുന്നു അപകടം. മാന്നാര് ഭൂവനേശ്വരി സ്കൂളിന്റെ ബസിനാണ് തീപിടിച്ചത്. പുക ഉയര്ന്നതോടെ ഡ്രൈവര് വാഹനം നിര്ത്തി കുട്ടികളെ പുറത്തെത്തിച്ചു. അപകടത്തില് സ്കൂള് ബസ് പൂര്ണമായി കത്തി നശിച്ചു. ബസില് 17 കുട്ടികളുണ്ടായിരുന്നു. തലനാരിഴയ്ക്കാണ് വൻ ദുരന്തം ഒഴിവായത്.
