തിരുവനന്തപുരം: നര്ത്തകന് ആര് എല് വി രാമകൃഷ്ണനെതിരെ കലാമണ്ഡലം സത്യഭാമ നടത്തിയ ജാതി അധിക്ഷേപ പരാമര്ശത്തിനെതിരെ പൊലീസ് കേസെടുത്തു. കന്റോൺമെന്റ് പൊലിസാണ് സത്യഭാമക്കെതിരെ കേസെടുത്തത്. ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നതെന്ന് കന്റോൺമെന്റ് പൊലിസ് വ്യക്തമാക്കി. ജാതി അധിക്ഷേപം നടത്തിയെന്ന ആര് എല് വി രാമകൃഷ്ണന്റെ പരാതിയിലാണ് സത്യഭാമക്കെതിരെ പൊലീസ് കേസെടുത്തിരിക്കുന്നത്. എസ് സി / എസ് ടി (പട്ടികജാതി പട്ടിക വർഗ അതിക്രമം തടയൽ) വകുപ്പുകളടക്കം ചുമത്തിയിട്ടുണ്ടെന്ന് പൊലീസ് വ്യക്തമാക്കി.അധിക്ഷേപ പരാമര്ശം നടത്തിയ കലാമണ്ഡലം സത്യഭാമക്കെതിരെ കഴിഞ്ഞ ദിവസമാണ് ആർ എൽ വി രാമകൃഷ്ണൻ പൊലീസില് പരാതി നല്കിയത്. തന്നെ ജാതീയമായി അധിക്ഷേപിക്കാന് ശ്രമിച്ചെന്നുകാട്ടി ചാലക്കുടി ഡി വൈ എസ് പിക്കാണ് രാമകൃഷ്ണൻ പരാതി നല്കിയത്. പത്തിലധികം പേജുള്ള പരാതിയാണ് സമര്പ്പിച്ചത്. എന്നാല് അഭിമുഖം നല്കിയത് തിരുവനന്തപുരത്ത് ആയതിനാൽ പരാതി കന്റോൺമെന്ര് പൊലീസിന് കൈമാറുകയായിരുന്നു. അധിക്ഷേപ പരാമര്ശത്തിനിടയായ അഭിമുഖത്തിന്റെ വീഡിയോ അടക്കം പരിശോധിച്ച ശേഷമാണ് പൊലീസ് കലാമണ്ഡലം സത്യഭാമക്കെതിരെ കേസെടുത്തത്.
Useful Links
Latest Posts
- ഡോക്ടര് ശ്രീക്കുട്ടി അറസ്റ്റില്. ആശുപത്രിയില് നിന്ന് പിരിച്ചുവിട്ടു.!! യാത്രക്കാരിയെ കാര് കയറ്റിയിറക്കി കൊലപ്പെടുത്തിയ കേസില് അജ്മലിനെതിരെ ഗുരുതരമായ വകുപ്പുകള് ചുമത്തി. കാറില് മൂന്നാമതൊരാള് കൂടി ഉണ്ടായിരുന്നെന്നും വെളിപ്പെടുത്തല്..!!!
- പുറത്തുവന്നത് ചെലവഴിച്ച തുകയുടെ കണക്കല്ല, യഥാര്ഥ കണക്ക് ഉടൻ പുറത്തുവിടും- മന്ത്രി കെ. രാജൻ
- ‘മാസ്ക് നിര്ബന്ധമാക്കി, കടകള് 10 മുതല് 7 വരെ മാത്രം, തിയേറ്ററുകള് തുറക്കരുത്’; മലപ്പുറത്ത് നിയന്ത്രണം കടുപ്പിക്കുന്നു
- അമേരിക്കന് പ്രസിഡന്റ് തെരഞ്ഞെടുപ്പില് സ്പേസില് നിന്ന് വോട്ടുചെയ്യണം, അത് നല്ല രസമായിരിക്കില്ലേ?; ബാലറ്റിന് അപേക്ഷിച്ചെന്ന് സുനിതയും ബുച്ചും
- ഈ നമ്പറുകളില് നിന്നുള്ള കോള് എടുക്കല്ലേ, മെസേജ് തുറക്കല്ലേ, വന് ചതി മണക്കുന്നു; മുന്നറിയിപ്പ്