പാലക്കാട്: മുനമ്പം ഭൂമി വിഷയത്തില് സംസ്ഥാന സര്ക്കാരിന് ആശ്വാസം. സര്ക്കാര് നിയമിച്ച ജുഡീഷ്യല് കമ്മീഷന് തുടരാം. ജുഡീഷ്യല് കമ്മീഷന് നിയമനം റദ്ദാക്കിയ ഹൈക്കോടതി സിംഗിള് ബെഞ്ച് വിധി ഡിവിഷന് ബെഞ്ച് റദ്ദാക്കി. സംസ്ഥാന സര്ക്കാരിന്റെ അപ്പീലിലാണ് നടപടി.
ഭൂമി വഖഫ് വകയാണെന്ന് വഖഫ് ബോര്ഡ് വ്യക്തമാക്കിയതാണെന്നും ഈ സാഹചര്യത്തില് വിഷയം പരിഗണിക്കാന് വഖഫ് ട്രൈബ്യൂണലിന് മാത്രമാണ് അധികാരമെന്നും വ്യക്തമാക്കിയായിരുന്നു കമ്മീഷന് നിയമനം റദ്ദാക്കിയത്. തുടര്ന്ന് സര്ക്കാര് ഡിവിഷന് ബെഞ്ചിനെ സമീപിക്കുകയായിരുന്നു.
