ബെംഗളൂരു: കാത്തിരിപ്പിനൊടുവിൽ എറണാകുളം-ബെംഗളൂരു-എറണാകുളം വന്ദേഭാരത് തീവണ്ടി സർവീസ് പ്രഖ്യാപിച്ച് ദക്ഷിണ റെയിൽവേ. ഈ മാസം 31 മുതൽ ഓഗസ്റ്റ് 25 വരെ പ്രത്യേക തീവണ്ടിയായിട്ടാണ് സർവീസ് നടത്തുന്നത്. ആഴ്ചയിൽ മൂന്നുദിവസമാണ് സർവീസ്.
എറണാകുളത്തുനിന്ന് ബെംഗളൂവിലേക്കുള്ള ആദ്യ സർവീസ് 31-നും ബെംഗളൂരുവിൽനിന്ന് എറണാകുളത്തേക്കുള്ള ആദ്യ സർവീസ് ഓഗസ്റ്റ് ഒന്നിനുമാണ്. എറണാകുളത്തുനിന്ന് ബുധൻ, വെള്ളി, ഞായർ ദിവസങ്ങളിലും ബെംഗളൂരുവിൽനിന്ന് വ്യാഴം, ശനി, തിങ്കൾ ദിവസങ്ങളിലുമാണ് സർവീസ് നടത്തുന്നത്.
എറണാകുളത്തുനിന്ന് ഉച്ചക്ക് 12.50-ന് പുറപ്പെട്ട് രാത്രി 10-ന് ബെംഗളൂരു കന്റോൺമെന്റ് സ്റ്റേഷനിലെത്തും. തിരിച്ച് ബെംഗളൂരു കന്റോൺമെന്റിൽനിന്ന് പിറ്റേദിവസം രാവിലെ 5.30-ന് പുറപ്പെട്ട് ഉച്ചകഴിഞ്ഞ് 2.20-ന് എറണാകുളത്തെത്തും. പത്തു സ്റ്റേഷനുകളിൽ സ്റ്റോപ്പുണ്ടാകും. യാത്രക്കാർ ഏറെയുള്ള ബെംഗളൂരു- എറണാകുളം റൂട്ടിൽ വന്ദേഭാരതിനായി നേരത്തേമുതൽ ആവശ്യമുയർന്നിരുന്നു.
എറണാകുളം-ബെംഗളൂരു
ഉച്ചയ്ക്ക് 12.50: എറണാകുളം
1.53: തൃശ്ശൂർ
2.35: ഷൊർണൂർ
3.15: പാലക്കാട്
4.13: പോത്തനൂർ
4.58: തിരുപ്പൂർ
5.45: ഈറോഡ്
6.33: സേലം
8.05: ജോലാർപേട്ട്
രാത്രി 10: ബെംഗളൂരു കന്റോൺമെന്റ്
ബെംഗളൂരു-എറണാകുളം
രാവിലെ 5.30: ബെംഗളൂരു കന്റോൺമെന്റ്
7.30: ജോലാർപേട്ട്
8.58: സേലം
9.50: ഈറോഡ്
10.33: തിരുപ്പൂർ
11.15: പോത്തനൂർ
12.08: പാലക്കാട്
12.40: ഷൊർണൂർ
1.18: തൃശ്ശൂർ
2.20: എറണാകുളം